Our Blog

ஆராதிஷ்ட செபஸ்தியான் முனிந்தீரர் பேரில்


சந்த செபஸ்தியான் வீரா
சுந்தரா உபகாரா
சொந்தமாய் நாடி வந்தோம்
மைந்த ரெமைப் பாராய்

நர்போன் நன்னகரில் உதித்தாய்
சர்வேசனைத் துதித்தாய்
துர் ஆசா பாசமே ஜெயித்தாய்
நற்பதவியைப் பெற்றாய்

சத்யமறை யோர்க்காய் நினது
நித்யகடமை செய்தாய்
இத்தாலி யெங்குமே ஜொலித்தாய்
சத்ராதிகளை வென்றாய்

தியோக்ளேசியான் ராயன் உமது
தூய உயிரை அம்பால்
பாய வானோர் கணங்கள் சூழ
நேயன் பதமே சென்றாய்

பஞ்சம் படைக்கொள்ளை நோயால்
நெஞ்சமே நொந்து உம்மை
தஞ்சமாய் ஓடிவந்த மைந்தர்
கொஞ்சமும் வாடினரோ

உம்மையே பாதுகாவலாய்
நிம்பநகரில் கொண்டோம்
எம்மிடி இன்னல்களை நீக்கி
அம்பரன் பதம் சேர்ப்பாய் 

No comments:

Post a Comment

Heritage Vembaru Designed by Vembarians | Copyright © 2014 - Published By Heritage Vembaru

Theme images by richcano. Powered by Blogger.